Latest Updates :
LATEST UPDATES

भारतको हुँ भन्दै विमलेन्द्रले थर्काएपछि प्रचण्ड र देउवा बिमलेन्द्रले जे भन्यो त्यही मान्दै


काठमाडौं, १० असोज । माओवादी केन्द्रका अध्यक्ष पुष्पकमल दाहाल प्रचण्डको नेतृवको संयुक्त सरकारमा कांग्रेसको तर्फबाट प्रतिनिधित्व गरेर उपप्रधानमन्त्री बनेका विमलेन्द्र अहिले देउवामाथि मात्र नभएर पार्टीमाथि नै पुरै हावी भएका छन् । जानकाहरु भन्छन्–विमलेन्द्रले जे भन्यो प्रधानमन्त्री प्रचण्ड त्यही मान्छन् । विमलेन्द्रले बोलेको विचार कांग्रेसको हुने, उनले भनेको विचार भारतको समेत हुने अनौठो अवस्था छ । भारतले यसो भनेको र उसो भनेको छ भन्दै भारत रिसायो भने बित्याँस पर्छ भनेर निधिले सभापति देउवा र देउवा खेमाका सबै नेताहरुलाई थर्काइरहेको बुझिन्छ । भारत भन्नासाथ लालाकलुलुक गल्ने कांग्रेसका एकथरी नेताहरुका लागि अहिले पार्टी सभापति देउवालाई समेत कमाण्ड गर्ने दुस्साह गरेर विमलेन्द्र सर्वशक्तिमान ठहरिएका छन् ।
भारतको नाम लिएर पार्टीभित्र आतंक
असोज ९ गते आइतबारको भेलामा मिनेन्द्र रिजालले ‘भारतको नाम लिएर विमलेन्द्रले सबैलाई धम्क्याउन र ब्ल्याकमेलिङ गर्न थाले’ भनेर टिप्पणी गरेको बुझिन्छ । मिनेन्द्रले ‘विमलेन्द्रले सभापति देउवालाई अब सिध्याउँछन् । त्यसपछि कांग्रेस सिध्याउँछन्’ भनेको एनसी स्रोतको दावी छ । जानकारहरुका अनुसार भारतको नाम लिएर विमलेन्द्रले सभापति देउवालाई थर्काउनसम्म थर्काएर आतंकित पारेको बताइन्छ । आजको साँघु साप्ताहिकमा छ ।




Loading...

SUBSCRIBE YOUTUBE CHANNEL

म्याजिक मसरुमको आयोजनामा ‘N’ DA WINNER IS …..2016′

उत्कृष्ट मोडल उत्पादन गर्दै आएको फेसन एव ग्लामर कम्पनी म्याजिक मसरुमले यस पटक पनि उच्च स्तरीय म्याजिक मसरुमको आयोजनामा  Beauty pagent N’ da  winner Is …..2016 कार्यक्रम प्रस्तुत गर्दैछ । १० महिला र ७ पुरुष सहभागिता रहने उक्त कार्यक्रममा बाहिर सुन्दरता मात्र नभइ आत्मिक सुन्दरता लाइ हेरीने आयोजक सजल जंग केसिले जानकारी दिए ।


यहि असोज १२ गते  मुडस् रेष्टुरेन्ट एण्ड बेङकेट मा आयोजना हुन गइरहेको उक्त प्रतिस्पर्धामा सहभागि प्रतिस्पर्धिलाइ र्याम्प मा हिड्न ,उद्घोषण , अभिनय कक्षा , सामाजिक बन्न को लागि भ्रमण , व्यक्तित्व बिकाश लगायत अन्य बिभिन्न बिषयमा प्रशिक्षण दिइएको आयोजकको दाबि छ ।
बिजयी हुने मोडललाइ फिल्म, म्यूजिक भिडियो , फेसन शो का साथै पत्रपत्रिकामा बिशेष स्थान प्रदान गरिने छ भने स्पोन्सरको तर्फ बाट बिभिन्न उपहार समेत प्रदान गरिने छ ।

SUBSCRIBE YOUTUBE CHANNEL

भारतसँग थप बिजुली नकिने लोडसेडिङ नघट्ने-ओलीको घोषणापछि ८० मेगावाट विजुली थपियो


10 असोज, काठमाडौं । एघार महिनाअघि तत्कालीन प्रधानमन्त्री केपी शर्मा ओलीले एक वर्षभित्र लोडसेडिङ अन्त्य गर्ने घोषणा गरेका थिए । ओलीको त्यो घोषणासँगै सरकारका सरोकारवाला निकायहरु एक वर्षमा लोडसेडिङ अन्त्य गर्ने योजना बनाउन थाले ।

उर्जा मन्त्रालयले फास्ट ट्रयाकमा काम गरेर एक वर्षभित्र १ सय ५० मेगावाट विजुली उत्पादन गरेरै छाड्ने लक्ष्य सार्वजानिक गर्‍यो । जसअनुसार ०७३ असोज मसान्तसम्ममा राष्ट्रिय प्रसारणलाइनमा १ सय ५० मेगावाट विजुली जोडिइसक्नुपथ्र्यो । तर, लक्ष्यको आधा पनि विजुली जोडिएन ।

एक वर्षको अवधिमा जम्मा ८० मेगावाट विजुली मात्रै उत्पादन भएको छ । ०७३ असारमा ३० मेगावाट विजुली उत्पादन भइसकेको छ भने सोमबार माथिल्लो मस्याङदीबाट उत्पादित ५० मेगावाट विजुली थपिँदैछ ।

भारतीय नाकाबन्दीका कारण इन्धन संकट लगायतका समस्या आइपरेकाले तोकिएको समयमै लक्ष्यअनुसार विजुली उत्पादन गर्न नसकिएको उर्जा मन्त्रालयका प्रवक्ता दिनेश घिमिरे स्वीकार गर्छन् ।

‘भारतीय नाकाबन्दीको असरका कारण असोज मसान्तसम्ममा लक्ष्यअनुसार विजुली उत्पादन गर्न सकिएन’ घिमिरेले अनलाइनखबरसँग भने -‘तर आयोजनाकोहरुको हालसम्मको प्रगति हेर्दा पुस मसान्तमा भने लक्ष्यअनुसारको उत्पादन हुने देखिन्छ ।’

सरकारले लोडसेडिङ न्यूनिकरणलाई जोड दिँदै आयोजनाहरुको काम धमाधम अघि बढाइरहेको उनको दाबी छ । आगामी चार महिनाभित्र राष्ट्रिय प्रसारणलाइनमा थप ९० मेगावाट विजुली जोडिने घिमिरे बताउँछन् ।

पुसअघि कुन आयोजनाबाट कति बिजुली ?

घिमिरेका अनुसार कास्कीको माथिल्लो मादी आयोजनाबाट २५ मेगावाट, ताप्लेजुङको हेवाखोलाबाट १४.९ मेगावाटको, मुस्ताङको थापा खोलाबाट १४ मेगावाट, ताप्लेजुङको माथिल्लो माई सी बाट १० मेगावाट र ललितपुरको तुमुङ थोस्मे खोलाबाट ६ मेगावाट गरी ७० मेगावाट विजुली पुस सम्ममा राष्ट्रिय प्रसारण लाइनमा जोडिइसक्ने छ ।

भारतबाट नल्याए लोडसेडिङ नघट्ने

सरकारले भनेअनुसार नै आगामी पुस सम्ममा विजुली उत्पादन भएपनि त्यसले लोडुसेडिङ न्यूनिकरणमा कुनै भूमिका नखेल्ने नेपाल विद्युत प्राधिकरणका निवर्तमान कार्यकारी निर्देशक मुकेश काफ्ले बताउँछन् ।

‘डेढ सय मेगावाट जडित क्षमता थपिँदा पनि आगामी हिउँदमा कुल ३ सय मेगावाट विजुली मात्रै उत्पादन हुन्छ,’ उनले भने- ‘जबकी आगामी हउिँदमा हाम्रो कुल विजुलीको माग १४ सय मेगावाट पुग्छ ।’

काफ्लेका अनुसार कुल १ सय ५० मेगावाट उत्पादन क्षमता भएपनि हिउँदमा ती आयोजनाहरुबाट एक चौथाई अर्थात् ३५ देखि ४० मेगावाट मात्रै विजुली उत्पादन हुन्छ । यसअघि कुल ८ सय ५० मेगावाट विद्युत जोर्डिको भएपनि हिउँदमा २ सय ७० देखि ३ सय मेगावाट विद्युत मात्रै उत्पादन हुँदै आएको थियो ।

सरकारले यसअघि पनि हिउँद याममा २ सय ७० देखि ३ सय मेगावाट विजुली भारतबाट आयात गर्दै आएको थियो । यो वर्ष त्यसमा पनि ३ सय मेगावाट थपेर भारतबाट कुल ६ सय मेगावाट विजुली आयात गर्ने सरकारी लक्ष्य छ ।

‘यो हिउँदसम्ममा भारतबाट थप ३ सय मेगावाट विजुली ल्याएर लोडसेडिङ कम गर्ने सरकारको तयारी छ,’ घिमिररेले भने – ‘यसअघि नै भारतबाट ३ सय मेगावाट आयात हुँदै आएकाले यो हिउँदामा भारतबाट कुल ६ सय मेगावाट विजुली आयात गर्छौं ।’

भारतबाट विजुली किन्न के के गर्नुपर्छ ?

सरकारले भारतबाट थप ३ सय मेगावाट विजुली किन्ने लक्ष्य राखेपछि सो अनुसारको तयार भने गरेको छैन । भारतबाट विजुली ल्याउनका मुख्यरुपमा तीन वटा काम पुरा गर्नुपर्ने काफ्ले बताउँछन् ।

हाल १३२ केभी क्षमताको ढल्केबर प्रसारणलाइन्लाई स्तरोन्नति गरी २२० केभीए क्षमताको बनाउने काम भइरहेको छ । पुससम्ममा निर्माण सम्पन्न गर्ने लक्ष्य भएपनि त्यसको प्रगति भने सन्तोषजनक छैन ।

त्यसैगरी, ढल्केबर सबस्टेशन लाइन स्तरोन्नति गरेरमात्रै भारतबाट थप विजुली ल्याउन सकिँदैन, त्यसका लागि २२० केभी क्षमताको खिम्ती-ढल्केबर प्रसारणलाइन, हेटौंडा-ढल्ेकबर प्रसारणलाइन र हेटौंडा मातातिर्थ प्रसारणलाइनको स्तरोन्नति पनि गर्नुपर्ने हुन्छ ।

प्रसारणलाइन स्तरोन्तिको काम अघि बढेपनि पुसअघि नै निर्माण सम्पन्न हुन भने निकै कठिन भएकाले यो हिउँदमा पनि सर्वसाधारणले विगतका वर्षहरुमा जस्तै लोडसेडिङ भोग्नुपर्ने अवस्था देखिएको काफ्लेको भनाई छ ।

SUBSCRIBE YOUTUBE CHANNEL

पाकिस्तानले भारतलाई चेतावनी दिँदै भन्यो- हामी नेपाल र भुटान जस्तो लाचार होइनौं


काठमाडौं, १०  असोज । काश्मिरको उरी घटनापछि भारत र पाकिस्तानबीच विवाद उत्कर्षमा पुगेको छ । दुबै देशको युद्ध गर्ने मनस्थितीमा पुगेको कुरा समेत आइरहेको छ ।
यही बेला भारत र पाकिस्तानका मिडियाबीच पनि प्रपोगाण्डा वार चलेको छ । जसमा नेपालको नाम पनि मुछिएको छ ।
पाकिस्तानको एक पत्रिका एक्सप्रेसले पाकिस्तान नेपाल भुटानको जस्तो लाचार होइन् भन्दै भारतलाई जवाफ दिन खोजेको छ । ‘हामी नेपाल र भुटान जस्तो लाचार छैनौं’ भारतलाई जवाफ दिंदै पाकिस्तानी सरकारका तर्फबाट पत्रिकाले भनेको छ– ‘हामी भारतसँग युद्ध गर्न तयार छौं तर पछाडि हट्दैनौं ।’
पत्रिकाले यदि पाकिस्तान परमाणु शक्ति सम्पन्न देश नभएको भए भारतले सैन्य कारवाही गर्न कतिपनि ढिला गर्ने थिएन् भन्दै तर, अझैपनि पाकिस्तानले युद्ध नचाहेको दाबी गरेको छ ।
उक्त पत्रिकाका अनुसार पाकिस्तानले युद्ध नचाहेको तर आफू भुटानी र नेपाली पनि नभएकाले पाकिस्तानको सरकार र जनता एकै भएर अगाडी बढ्ने चेतावनी दिएको छ ।


Loading...



Loading...

SUBSCRIBE YOUTUBE CHANNEL

जापानी जनताले सम्भोग नगर्दा सरकारलाई चिन्ता, घट्यो जनसंख्या कारण यस्तो रहेछ।


हामीकहाँ जनताहरु उद्यमशील भएनन्, यौनहिंसामा वृद्धि भयो तथा दुर्गम ठाउँहरुमा जनसंख्याको वृद्धिदर पनि बढि भयो भनेर सरकारलाई चिन्ता हुँदो हो । तर जापानमा भने जनताले सेक्सप्रति रुचि नराख्दा सरकारको टाउको दुखेको छ ।

उसै त जापानीहरु निकै मेहेनती तथा काममा डुब्ने मानिसको रुपमा चिनिन्छन् । पछिल्लो समय जापानीहरु काममा यति डुब्न थालेछन् की उनीहरुमा सेक्सप्रतिको रुचि नै घटिरहेको छ र जापानमा भर्जिन युवायुवतीहरुको संख्या बढिरहेको छ । देशमा अविवाहित महिला तथा पुरुषहरुको संख्या पनि तिव्र रुपमा बढेर चिन्ताजनक अवस्थामा पुगेको छ जसका कारण बुढापाकाहरुको संख्याले ढाकेको जापानको जनसांख्यिकी झनै संकटमा परेको छ ।

जापान देशको जनसंख्याको अनुपातमा वृद्ध नागरिक सबैभन्दा धेरै भएको देश हो । यस्तो विकराल अवस्था हुँदाहुँदै तन्नेरी अवस्थाका जापानीहरुले बिहे नै गर्न छाडेपछि नयाँ बच्चा जन्मिने दर तिव्र रुपमा गिरावट आएको छ । सरकारले युवायुवतीहरुले बिहे गर्न तथा बच्चा जन्माउन प्रोत्साहन गर्दै नगद पुरस्कार लगायतका विभिन्न प्याकेट घोषणा गरिरहेको छ । तर मानिसहरु आफ्नो काममा यति व्यस्त छन् की उनीहरुसँग बिहे गर्ने तथा परिवार बसाउने फुर्सद छैन ।

जापान टाइम्सको रिपोर्ट अनुसार जापानीहरुमा गरिएको नयाँ सर्भेक्षणले १८ देखि ३४ वर्ष उमेरका ७० प्रतिशत अविवाहित पुरुष तथा ६० प्रतिशत अविवाहित महिलामा सेक्सप्रति कुनै रुची नै छैन । यो उमेर समूहका ४२ प्रतिशत पुरुष तथा ४४.२ प्रतिशत महिलाले आफुहरु अहिलेसम्म भर्जिन रहेको खुलासा गरेका छन् ।

यो सर्भेक्षण जापाने नेसनल इन्स्टिच्यूट अफ पपुलेसन एण्ड सोसल सेक्योरिटी रिसर्चले गरेको हो । सन् १९८७ मा गरिएको यस्तै खालको सर्भेक्षणमा ४८.६ प्रतिशत पुरुष र ३९.५ प्रतिशत महिला अविवाहित रहेको पाइएको थियो । सन् २०१० को सर्भेमा ३६.२ प्रतिशत पुरुष तथा ३८.२ प्रतिशत महिलाहरुले आफुलाई भर्जिन रहेको बताएका थिए ।

Loading...



Loading...

SUBSCRIBE YOUTUBE CHANNEL

T

भिडियो हरु हेर्न तलको बक्स मा क्लिक गर्नुहोस्

Loading...

Nepali Patro

new

www.ujyalokhabar.com. Powered by Blogger.
 
Support : Creating Website | Johny Template | Mas Template
Copyright © 2011. ujyalokhabar.com - All Rights Reserved
Template Created by Creating Website Published by Mas Template
Proudly powered by Blogger